Ханбогд 1 дүгээр сургуульд “Global Readers” төсөл хэрэгжиж эхэллээ.
Өмнөговь аймгийн “Уншдаг Хүүхэд Хөгждөг” аяны хүрээнд XREADING цахим номын сангаар дамжуулан Extensive Reading аргачлалаар сурагчдын англи хэлний уншиж ойлгох, сонсох, бичих, ярих чадвар болон үгсийн сан нэмэгдүүлэх зорилготой #GlobalReaders төслийг Ханбогд сумын Засаг Даргын Тамгын Газрын санхүүжилтээр хэрэгжүүлж эхэллээ.
Энэхүү төслийн хүрээнд Ханбогд 1-р сургуулийн Англи хэлний хичээлийг судлан үзэж буй Y-XI ангийн нийт 484 сурагч Xreading цахим номын сангийн нэг жилийн эрхтэйгээр уншиж байна.
Төслийн хугацаанд сурагч бүр 7 хоногт 5 000-20 000 үгийн зорилготой уншлага, багаар ажиллах, бүтээл хийх, зохиолчтой уулзах уулзалт, багийн болон ганцаарчилсан марафон зохион байгуулах гэх мэт маш олон гайхалтай бөгөөд үр дүнтэй үйл ажиллагаануудыг хамтран хэрэгжүүлэхээр төлөвлөж байна.
Цахим номын сангаар дамжуулан дэлхийн алдартай зохиолууд болон өөрийн дуртай төрлийн номоо өөрийн хэлний түвшинд тааруулан сонгон, шимтэн уншиж, тэмдэглэл хөтөлж англи хэлээ сайжруулан хэрэглээ болгохоор аялалаа эхлүүлсэн нийт уншигч сурагчдадаа томоос том амжилт хүсье. Та нар минь энэ жилийн хугацаанд номын гайхамшигт ертөнцөөр аялж, шинэ мэдлэгийг бүтээн, англи хэлний түвшингээ ахиулж чадна гэдэгт сургуулийн удирдлага, багш нар нь болон төслийг хамтран хэрэгжүүлэгч байгууллагын баг хамт олон нь итгэж байна.
Энэ гайхалтай төслийг санхүүжүүлж, сурагч багачуудын оюуны боловсролд үнэтэй хувь нэмэр оруулж буй Ханбогд сумын Засаг Даргын Тамгын Газар, санаачлан хэрэгжүүлж буй Ханбогд 1-р сургуулийн удирдлага, багш ажилтнууд, нийт сурагчид, эцэг эх асран хамгаалагчид болон багш нарын өмнөөс чин сэтгэлийн талархал илэрхийлье!🤗
.